Electric Rates

Isang mahalagang abiso para sa aming mga Member-Consumer-Owners (MCOs) na nagkaroon ng paggalaw sa singil ng kuryente ngayong Hulyo, 2026.

Para sa CAGELCO II residential Consumers, tumaas ito ng Php 0.7364 per kWh kung kaya't ang kasalukuyang rate ay Php 13.4140 per kWh, mula sa Php 12.6776 per kWh noong buwan ng Hunyo. Para naman sa Low Voltage Consumers, ito ay naitala sa Php 12.0809 per kWh, habang Php 10.1687 per kWh naman para sa High Voltage Consumers.

Ang pangunahing dahilan ng paggalaw na ito ay ang pagtaas ng generation cost ng coal power plant at ang mas mataas na presyo ng kuryente sa Wholesale Electricity Spot Market (WESM), na dulot ng mahigpit na suplay ng kuryente sa grid.

Dahil din sa patuloy na matinding init ng panahon ay mataas pa rin ang demand sa kuryente, sa kabila ng limitadong suplay ng enerhiya, na siyang nagpataas sa pangkalahatang presyo nito. Bagama't nagkaroon ng kaunting pagbaba sa Transmission Cost, hindi ito naging sapat upang mapigilan ang pagtaas ng kabuuang rate ngayong buwan.

Dahil dito, muli po naming pinapaalalahanan ang lahat ng ating Member-Consumer-Owners (MCOs) na maging responsable at matipid sa paggamit ng kuryente. Ang pagsasagawa ng mga simpleng hakbang sa pagtitipid sa ating mga tahanan at pasilidad ay malaking tulong upang maibsan ang epekto ng pagtaas ng singil sa ating buwanang bayarin.

Maraming salamat po.